لاہور (چیغہ نیوز)
پولیس کی غنڈہ گردی اور شہریوں کی تذلیل کی مثالیں پاکستان میں بھری پڑی ہیں لیکن سوشل میڈیا پر وائرل ہونے والی تازہ ویڈیو نے شہریوں کے دل دہلا کر رکھ دیئے ہیں جس میں ایک اے ایس آئی اپنے اختیارات کا ناجائز استعمال کرتے ہوئے مبینہ ملزم کو بدترین تشدد کا نشانہ بنا رہاہے ۔
سوشل میڈیا پر وائرل ہونے والی ویڈیو کے بارے میں کہا جارہاہے کہ یہ ویڈیو بند روڈ پر واقع شیرا کوٹ تھانے کی ہے جہاں اے ایس آئی ذوالفقار علی المعروف” جانگلی ” نے مبینہ ملزم کو دیوار کے ساتھ ہاتھوں پر رسی باندھ کر لٹکایا رکھا ہے جبکہ ایک پولیس اہلکار نے اسے پکڑ رکھاہے ۔
ایک پولیس اہلکار چارپائی پر بیٹھاہے اور انتہائی غلیظ گالیاں دیتا ہوا سنائی دیتاہے ۔ اس دوران وہ نوجوان شخص درد سے چلا رہاہے لیکن کوئی بھی اس کی مدد کرنے کو تیار نہیں ہے بلکہ اُلٹا اسے اذیت دینے کے درپے ہیں۔ سوشل میڈیا صارفین کاکہنا ہے کہ پنجاب پولیس پروفیشنل ازم کی بجاءے اسی طرح کے ہتھکنڈے اپناتی ہے ، اگر کسی شخص نے جرم کیا ہے تو اس کے خلاف قانون کے مطابق کاررواءی کی جاسکتی ہے لیکن پولیس میں موجود ایسے عناصر تشدد کے کلچر کو پروان چڑھاتے ہیں اور نءے آنے والے لوگ بھی انہی کے نقش قدم پر چلتے رہتے ہیں اور یہ سلسلہ جوں کا توں چلا آرہا ہے۔
نوٹ: 18 سال سے کم عمر لوگ یہ ویڈیو نہ دیکھیں جو سوشل میڈیا پر سامنے آءی۔
