کابل(چیغہ نیوز )
افغانستان کے لیے پاکستان کے نمائندہ خصوصی محمد صادق 3 روزہ سرکاری دورے پر کابل پہنچ گئے۔ ترجمان دفتر خارجہ کے مطابق، وہ 21 سے 23 مارچ تک افغان عبوری حکومت سے دو طرفہ تعلقات پر تبادلہ خیال کریں گے۔
کابل آمد پر، محمد صادق کی افغان وزیر خارجہ امیر متقی سے ملاقات ہوئی، جس میں پاک-افغان تعلقات پر گفتگو کی گئی۔ فریقین نے باہمی تعلقات کو بہتر بنانے کے لیے اعلیٰ سطحی روابط کو فروغ دینے پر اتفاق کیا۔
ترجمان دفتر خارجہ کے مطابق، یہ دورہ نائب وزیراعظم اسحاق ڈار کی ہدایت پر کیا جا رہا ہے، جس کا مقصد پاکستان اور افغانستان کے درمیان تعاون کو مضبوط بنانا اور باہمی تعلقات کو مستحکم کرنا ہے
