جنوبی وزیرستان(چیغہ نیوز )جنوبی وزیرستان میں سکیورٹی فورسز کے آپریشن میں 13دہشتگرد ہلاک ہو گئے۔
پاک فوج کے شعبہ تعلقات عامہ آئی ایس پی آر کے مطابق جنوبی وزیرستان کے علاقے سراروغہ میں دہشتگردوں کی موجودگی کی اطلاع پر کارروائی کی گئی ،آپریشن میں سکیورٹی فورسز نے دہشتگردوں کے ٹھکانوں کو موثر طریقے سے نشانہ بنایا، آپریشن 24اور25دسمبر کی درمیانی شب کیا گیا،آپریشن میں 13دہشتگرد مارے گئے۔
آئی ایس پی آر کے مطابق علاقے میں دہشتگردوں کے خاتمے کیلئے سینی ٹائزیشن آپریشن جاری ہے،سکیورٹی فورسزدہشتگردی کی لعنت کے خاتمے کیلئے پرعزم ہیں ،آئی ایس پی آر کے مطابق ہلاک دہشتگرد سکیورٹی فورسز کیخلاف کارروائیوں اور معصوم شہریوں کے قتل میں ملوث تھے۔
