لاہور (چیغہ نیوز)
لاہور ہائیکورٹ کے جسٹس چوہدری عبدالعزیز نے اپنے عہدے سے استعفیٰ دے دیا ہے۔
تفصیلات کے مطابق جسٹس چوہدری عبدالعزیز نے ذاتی وجوہات کا حوالہ دیتے ہوئے اپنے عہدے سے مستعفی ہونے کا اعلان کیا۔ ان کا کہنا تھا کہ وہ ذاتی وجوہات کی بنا پر مزید ذمہ داریاں نبھانے سے قاصر ہیں۔
ذرائع کے مطابق جسٹس چوہدری عبدالعزیز نے اپنا استعفیٰ صدر مملکت کو ارسال کر دیا ہے، جس کے بعد آئندہ کے قانونی مراحل شروع کیے جائیں گے۔
جسٹس چوہدری عبدالعزیز نے اپنے کیریئر کے دوران کئی اہم مقدمات کی سماعت کی اور قانونی برادری میں ان کی خدمات کو قدر کی نگاہ سے دیکھا جاتا ہے۔ ان کے اچانک استعفے نے عدالتی حلقوں میں مختلف قیاس آرائیوں کو جنم دیا ہے۔
مزید تفصیلات سامنے آنے پر خبر کو اپڈیٹ کیا جائے گا۔
